أضف كلمات أغنية
(950) مشاهدة


غزة

غلبت أكتب أغاني .. مش لاقي كلام يتقال
اللي بيحصل فى غزة .. حرام ده ولا حلال

قنابل نازلة طالعة .. على الأرض وعلى البيوت
والدنيا في غزة والعة .. والناس عمالة تموت

يا عالم حد يلحق .. يا عالم حد يحوش
إنشاالله حتى بجزمة .. زي اللي خدها بوش

الشعب العربي اتأذى .. الشعب العربي حزين
على اللي بيحصل في غزة .. وبيجري في فلسطين

300 شهيد وأكتر بالضرب .. ليل نهار
والدم في كل حتة .. والناس ما بين حصار

مكسوف أكتب أغاني .. والدم مستباح
لكن ورقتي ميداني .. وقلمي هو السلاح

بدل ما تلوموا مصر .. وتجيبوا سيرة الناس
شوفوا الحرب اللي دايرة .. بين فتح وبين حماس

طول عمر مصر واقفة .. وبكامل شعبها
مشغولة بالقضية .. وبتسعى لحلها

الظلم الإسرائيلي .. ع الوطن العربى زاد
وما بنعملش حاجة غير .. بس نقف حداد

دى دولة ملهاش لزمة .. وهدفها دايماً قذر
عايزالها ألف جزمة .. زي بتاعة منتظر





التبليغ عن خطأ



share