أضف كلمات أغنية
(6) مشاهدة


الفية بن عمار

الف اولف من كلام نظيفي

ودموع عيني فوق خدي ذريفي

من لامني في حب ذاك اوليفي

دقاق رمش العين سيد الخوندات


خوندات ياللي ما بعد عاشرنه

قله تراهن بالهوى يذبحنه

قلبي وقلبك بالمولع خذنه

عزيل من مثلي تعرض للافات


الباء بليت بحب خلي على ماش

ولا حصلي منه ما يبرد الجاش

غديت انا واياه طاسة ومنقاش

بالوصف كنه يالمعزى سلامات


سلامات بالذي يذكرونه

يبغى المعزة منه وهي المهونة

يقول طيب مار غارت عيونه

سبب ولدكم صابة واحد مات


التاء تبعت الزين والزين مقفى

امشي وحتفي شايلة فوق كتفي

لا شفت مجدولة وكتف وردف

ما أقوى التفت لو طوحولي بالأصوات


اصوات قالوا يا هبيل وسايح

طرد المقفى يالشقاوى فضايح

قلت ما طعت اشوارهم والنصايح

مثل المطر فوق السحال المكفات


الثاء ثمان حب رمان طايف

أو قحويان في رياض عطايف

متنقل بالزين سيد العفايف

عمهوجة فيها من الحور شارات


شارات فيها من ظبي الحمنادي

هي لذة الدنيا وغاية مرادي

من يوم قفى صويحبي من بلادي

عليه جاوبت الحمامة بالأصوات


الجيم جاني من عشيري كلامي

ولا لقينا من يرد السلامي

عليه زرع القلب هايف وظامي

مالي جدى كود البكاء والتنهات


ابكي على ما فاتني من زمان

يوم الحبيب زارني في مكاني

وراي ما خذت القضا يوم جاني

توي دريت البيض فيهن غرات


الحاء حلية بالوطن ما ليقته

عدلت قلبي عنه ولا قويته

لوه يذكر يم امريكا نصيته

انصاه لو بيني وبينه مسافات


مسافات في وسط البحور الظلامي

في وسط مندوس حداه الولامي

والي حصل لي بلوغ المرامي

اصبر ولو هو في بحور الظلامات


الخاء خليلي صار مني قريبي

جعلي نصيب له وهو من نصيبي

ودي اواجه نور عيني حبيبي

مار الوحيد اللي فيه نوهات


ما فيه نوهات ولو من غثاء البال

دب امشي طول النهار عمال بطال

ولا استراح البال عن ذيك الاحوال

دنياك هذي يا ريش العين نشبات


والدال دامي ما قضبت الدوايب

لو قيل لك طيب فلا نيب طايب

دنوا استاد القبر ودنوا النصايب

دنوا دوات الحبر نكتب سجلات


سجلات ارديد اكتب لي وصية

عمري غدى يا وجد اهلي علية

قولوا ياليت لصافي اللون يعطف علية

يكود يرجع ويتحسف بما فات


الذال ذالي عنه مدة ليالي

لو قيل لك طيب فأنا ابخص بحالي

والله ما يطري على شف بالي

الا انت يا راعي الثمان الرهيفات


ارهيفات فيها للمشقا طرابة

مجمول مدلول ولابة طنابة

ياليت من يدخل معه في ثيابه

واسج انا واياه بالعمر سجات


الزاء زماني شفت منه الهوايل

لعاد حظي بالغنادير مايل

وراي ما اترك كل قاصر وطايل

مار العقل يا ذيب هيهات هيهات


هيهات لو ان العقل فيه لبة

ما كان يتبع واحد ما يحبه

لصار هرجة لك خريط يدبة

وشلك بشوفة بالعيون المشقات


السين سلمت الدراهم وعيا

واللي نبية من صاحبي ما تهيا

يقول والله لو تحب الثرياء

خذني على السنة تشوف الطرابات


الشين شاب الراس يا عذب الانياب

واللي ير جوى توبته ذاك قد تاب

ماران بدالي عازه وافتح الباب

الله يرحمني ياللي عالم بالخفيات

 كلمات: محمد بن عمار
 ألحان: سالم الحويل

التبليغ عن خطأ