رحت ابارك

لنا بالعاده نتلاقى كل خميس
لي حبيب وسيدي ماله هالخميس
رحت أسال وأتحرى وينه وين
قالوا محبوبك يفلانه عريس
::::
هي أشاعه أو صحيح اللي يقال
وألا أنها كذبة أبريل وخيال
ما أصدق هذا من رابع محال
وهو ما يرتاح مع غيري جليس
رحت أسال وأتحرى وينه وين
قالوا محبوبك يفلانه عريس
::::
قلت ما أصدق وأنا لازمٍ أروح
شفت بعيني زينه من فوق السطوح
قمت أحس بقلبي كلاته جروح
بالفعل حظي بهالدنيا تعيس
رحت أسال وأتحرى وينه وين
قالوا محبوبك يفلانه عريس
::::
رحت أبارك له مدام أني عنيت
وأبتسم له ويعلم الله وش خفيت
قلت له مبروك أول ماحكيت
والحزن والجرح في قلبي حبيس
رحت أسال وأتحرى وينه وين
قالوا محبوبك يفلانه عريس


كلمات: عبداللطيف البناي
ألحان: احمد عبدالكريم
مقام: راست
تاريخ: 1983



التبليغ عن خطأ

المزيد من أغاني هذا المطرب: « جبرني الشوق الله يا شوق »

روابط إعلانية

إعلانات


أخبار فنية

فنون عربية وعالمية

فنون عربية وعالمية