اطـالع جمـالك وعـيني تشـوف ... ولا شفـت مثـلك في عيني محال
احبـك و قلبي بحبـك شـغـوف ... سحـرني جمـالك وذاك الـدلال
عيـونك غـزتني بحد الـسيـوف ... وصف الهـدايب جنـودٍ قـتـال
ورفـقـه حـبيـبي عليّ تـروف ... تكـرم ع قلبـي ببعض الوصـال
احبك و طيفـك في عيني يطـوف ... ودايـم اشـوفك مجـرد خـيـال
إذا عن غـرامي حدتك الظـروف ... ترى صـار قتلـي بيـدك حـلال
غـنـاتي تمهـل وخلك عطـوف ... اريـدك بأسـم المحـبـه تسـال
ترفـق ع قلبي وخـذني بـروف ... ترى الليل طـايح في ايد الغـزال