(موال) :
مثلك حصل لي .. ومثلي ما حصل بيده
لو كنت بستان .. واللولو عناقيده
شاورت انا القلب .. وقال القلب ما اريده
---
عفناك يلي بعت نفسك رخيصه
عفناك يوم انك تسالمت للبيع ..
بحرك قريب القاع وكلٍ يغيصه
ما نشرب الاقداح من عقب تكريع
روحي على حبك كانت حريصه
ومتربعٍ حبك على العرش تربيع ..
عز الله حبي لك اكبر نقيصه
جرحٍ كبيرٍ ما نفع فيه ترقيع ..
اول شقيق القلب وانت خليصه
واليوم غدرك لوع القلب تلويع ..
انسى زمان الحب وانسى قصيصه
وابعد بعيد هناك من غير توديع ..