انا اعمل ايه

أنا أعمل إيه لمّا تنده لي عينيك
طب أعمل إيه لمّا تنده لي عينيك
وأمّا أحسّ بدقّ قلبي لمّا إيدي تلمس إيديك
وأمّا كلّ الدنيا تسكت إلاّ صوته
أسمعه بقلبي أسمعه وحدي لمّا يهمس اسمي
وأمّا أغمّض عالهوى لا الناس تشوفه
في عينيّ يفتن عليّ الهوى الهوى الهوى

طب خايفة ليه أنا خايفة ليه  سامعة قلبي بيناديه
 أنا خايفة ليه من الهوى
و الجبين مكتوب عليه إنّي أقابله وأذوب في حبّه
و أعشقه وأحسّ بيه

وهو مين صادفه الهوى في دُنيته وما غرقش فيه
ولاّ مين جرحه الهوى وحلف يتوب مارجعش ليه
مين مين مين
***
وتوبة توبة توبة توبة
يا ما قالوا من الحبّ توبة
 ورجعوا ثاني قالوا فيه  شعر و أغاني
 توبة توبة
بس أعيش الحبّ نوبة يا زماني وقسمتي مستنّياني
نفسي أغنّي للفرح مرّة      نفسي يجي هناي بكرة
اسمي عشق مهما ندم ولا حزن

طب خايفة ..............................
........................... مين مين مين
***
مساكين يا اللّي ما ذُقتوا ولاّ عرفتوا مرّة واحدة طعم الهوى
مساكين ياريت عشقتوا ، ياريتكو عشتوا
 ده عمركو ضاع في الهوى
مساكين مساكين
مساكين اللي ما حسّوا يوم بمعنى الانتظار
 والفرح لمّا الحبيب يرجع لهم آخر النهار
مساكين مساكين
مساكين آه يا عيني عليهم لا ذاقو حلو ولا مرار مساكين
مساكين مساكين
دي العيشة من غير الهوى من غير الهوى يا خلق نار

طب خايفة ..............................
........................... مين مين مين



كلمات: سيد مرسي
ألحان: بليغ حمدي
تاريخ: 1998



التبليغ عن خطأ

المزيد من أغاني هذا المطرب: « انا بعشقك انت تاني »

روابط إعلانية

إعلانات


أخبار فنية

فنون عربية وعالمية

فنون عربية وعالمية