ألم مفيش بعده ألم .. لما اللي جارحك يوحشك
وانت جرحك صاحي فيك .. وتيجي على نفسك قوي
وتكلمه لو حتى تسمع صوته .. ما يردش عليك
ساعتها بيزيد الألم .. وتحس أكتر بالندم
تفضل تلوم قلبك عشان .. شوقه وحنينه ضحوا بيك
وتزيد جراحك تاني جرح .. هيفتكر نفسه انه صح
وانت اتنازلت خلاص كدا .. خلاص مفيش ولا حق ليك
...
لو حتى رد وكلمك .. أكيد كلامه هيألمك
وانت فاكره هيراضيك .. ويسيب غروره يعذبك
ويلوم عليك وكأنه صاحب حق .. أو يعمل ناسيك
ساعتها بيزيد الألم .. وتحس أكتر بالندم
تفضل تلوم قلبك عشان .. شوقه وحنينه ضحوا بيك
وتزيد جراحك تاني جرح .. هيفتكر نفسه انه صح
وانت اتنازلت خلاص كدا .. خلاص مفيش ولا حق ليك