أضف كلمات أغنية
(1,833) مشاهدة


طرقات وضجيج

طرقات و ضجيجْ

و بيوت كلها سكوتْ ..

في شي بالعينين متل السرابْ ...

طرقات و ضجيجْ

و حبال السياراتْ ..

في شي عالوجوه متل الترابْ

بشر .. آه بشر .. متل اللي ناطرهن سفر و مأَخّرين

ولاد آه ولاد آه متل اللي خافو من خيالن و مطيشرين

في شي فوق الروس متل الغرابْ ..

آه .. آه .. آه

حكي و عجقة حكي ..

حكي و عجقة حكي ..

صار الحكي شحّادْ عم بيدور من باب لبابْ

حامل معو ذات الحكي .. ليتّكي

في شي ورا الكلمات متل الخراب ...

في شي ورا الكلمات متل الخراب

آه ... آه ... آه ... آه

 كلمات: بطرس روحانا
 ألحان: مارسيل خليفه
 تاريخ: 1980





التبليغ عن خطأ



share