يا غافي وعيونك لعيننا نور
زهرت ع جفونك حبة البخور
قداسك الحقلة ومذبحك البيت
بحنية السبلة ركعت وصليت
يا شربل ساعدنا يا شربل احمينا
المحبسة وشو تضوي بقلبك بيوت
وانخطافك يروي أشعار السكوت
شو يغمر كتابك مخدة الحطب
وتبوس ركابك طبق القصب
شربل ساعدنا.. شربل احمينا
حبة قمح ترمي وسنديانة عروق
تركعلك الكرمة تعصرها وما تدوق
حملتك الخمرة لدم المسيح
وباركتها للصخرة كانت الـك ضريح
شربل ساعدنا.. شربل احمينا
يا عريس الطاعة هالأرض الـ حبيت
غرقت بأوجاعها ضوي سراج الزيت
ردها للعطا رجعلها الأمان
أنت اللي انعطى الك مجد لبنان
شربل ساعدنا.. شربل احمينا