أضف كلمات أغنية
(2,543) مشاهدة


ضاقت بي الدنيا

ضاقت بي الدنيا و أنا قبل مسرور
و انت السبب يا مرخصٍ كل غالي
هذا و أنا توي من اليوم مهجور
و شلون لو لي عن فراقك ليالي

إن جاك مني ما يغيظك فمعذور
و إلا ما هو حق ٍ تسن الجفا لي
مجروح روح و خاطري منك مكسور
رد النظر و ابصر حبيبي بحالي

وين العزا عني وأنا فيك مجبور
الحب سلطانٍ على القلب والي
يا غصن موزٍ حدره الشط مفجور
طاغي يميل به الهواء والدلالي

على جبينك جوهر الزين مسطور
مكتوب فالدنيا وحيد الجمالي
هذا الجمال اللي توصّف به الحور
يكشف جنـوب ومنورٍ بالشمالي

ما خبر به مخلوق مخلوق من نور
إلا أنت ثالث شمسها والهلالي
أشهر بكثر الزين من كل مشهور
واعلى بغير الزين من كل عالي

 كلمات: سعود بن محمد
 ألحان: محمد عمر
 تاريخ: 1997





التبليغ عن خطأ



share