طوقتني يا سيدي بالشرف طوق
يا عز راسي يا ولد تاج راسي
سلطان ما يمشي على الأرض مخلوق
مثلك يماري طيب راسٍ و باسي
من كل مجدٍ ماخذ الطوق مطبوق
طيب و وفا و أبلج حجاج و سياسي
لو تلمس بكفك على الارض من فوق
تفجرت ينبوع عقب اليباسي
و انت الدوا للي به من الوقت عوق
و انت النعاس لعين جافي النعاسي
و انت بزمانك مجد ما هو بملحوق
فيك المعالي شامخاتٍ رواسي
و لك في الكرامه حب عاشق و معشوق
و لك في الشجاعه و المعزّه مراسي
و لك في الوفا طبعٍ يسوقك له الشوق
ما هو بيومٍ تذكر و يوم ناسي
و لك في الكرم من بد خلق الله طروق
غنى بها محمد في ليل الغلاسي
يجري بها الراعي على جرة النوق
و يدري بها الحكام لين و قاسي
و إن طاب مره يرفع الراس و يتوق
يمشي على البيدا بفخر و حماسي
و انته بطيبك كل يومٍ لك طروق
الطيب والله فيك يا عز راسي