ترحب بغيري

ترحِّب بغيري وأنا الولهان ... وإنتَ عيوني معنَّيها

شتَّان مابيننا شتَّان ... تِبغى الِّليالي تِمضَّيها

ماني سراب وحُبَّي بان ... غلطه ولا أبيك تِطريها

خابرك يا قايد الغزلان ... تنصى الكرامه وتشريها

لولا لحبَّك بقلبي شان ... ما أسلِّمك روحٍ أغليها

دانة بحر دونها حيتان ... حلفت والله ما أعطيها

لا تضيَّع الحب يافتَّان ... رِدَّ الأمانه لراعيها

حيَّرت قلبي وأنا الحيران ... آهات قلبي ما أخفيها

التبليغ عن خطأ