أضف كلمات أغنية
(7,330) مشاهدة


الحزن في صوتك

الحِزن في صوتك أزعـج ساكنـي = لين صار الكون من حولي حزيـن
غصب عنَّي حِزن صوتك هاجنـي = لين خلَّى عاصـي المعنـى يليـن

وأمتثل حرف القصيـد وعادنـي = وأنسكب حِزنك على شِعري حنين
شلت أنا حِزنك وحِزنك شالنـي = تكتم الصرخه وينسـاب الأنيـن

شِفت حِزنك كيف حِزنك شافني = كيف داهم خلوتي فـي لحظتيـن
طير أنا مِثلـك زمانـي ضامنـي = جرَّحتني مثلك سيـوف السَّنيـن

صابك الَّلي مِـن زمـانٍ صابنـي = في معاليق الحشـا جرحـه دفيـن
كلَّمـا ودَّعـت هـمٍ زارنــي مِن = عذاب الوجد بيَّـاح الكنيـن

الفرح عقـب الصَّداقـه عافنـي = وخافت البسمه على وجهي تبيـن
طيري يالَّلي صوت حِزنك هاضني = الله الَّلـي ينتصـر للصَّابـريـن

 كلمات: خالد الفيصل
 ألحان: محمد عبده

التبليغ عن خطأ