إجري إجري إجري وديني قوام وصلني
وصلني قوام وصلني دا حبيب الروح مستني
يا طير يا رايح خدني معاك هات لي جناح وانا طير واياك
بايت متهني صابح تغني طاير مع المحبوب يا هناك
ياريتني زيك متهني إجــــــري ...
الفجر قام صحا النعسان نور وخلا الكون فرحان
الشمس طلعت نامت وصحيت وانا اللي طول الليل سهران
مس لاقي حد يوصلني إجــــــري ...
ليا حبيب اتمني رضاه عاهدته اني اعيش واياه
في يوم منايا ساعة هنايا خدوني منه وقلبي معاه
الله يجازي اللي ظلمني إجــــري ...