أضف كلمات أغنية
(1,723) مشاهدة


سمرا يام عيون

سمرا يام عيون وساع و التنورة النيلية

مطرح ضيق ما بيساع رح حطك بعينيي

يا عيني عهالعينين العا دنية ورد انفتحوا

و كيف ما التفتوا عالميلين قلوب قلوب بينذبحوا

في نجم بلفتاتك ضاع حكيت عنك غنية

و سحرك يللي ما بينباع مبكي الوردة الجورية

 

لم بتكوني حدي بشوف الدنيي مزارع ورد و فل

جوانح تعبانة و رفوف بساتين تزقزق و تطل

و لما الأسرار بتنذاع و بزعل من شي خبرية

بتقولي لي ارجع ارجع و ما ادري شو بيصير فيي

 

جلسة لنا و عالحب مجتمعين

و تنيننا عالمقعد مجانين 

وك قربي صوبي تنحكي شوي

عيونك و قلبي و سر هالحلوين

 

مبارح كانت عم بتقول عصفورة لإختها بالسر

شالك يا سمرا مغزول من لون الزهر المخضر

خليني بعينيك شراع قاصد مينا منسية

و إن شي مرة الزنبق شاع خبي لي منه شوية

 كلمات: زين شعيب
 ألحان: الأخوين رحباني
 تاريخ: 1999

التبليغ عن خطأ