أضف كلمات أغنية
(1,887) مشاهدة


ياما قلبي

ياما قلبي قال لي لأ وانا الاوعه
لما قلبي انشق شق قلت اطاوعه
كلمة مني وكلمة منه اللي خانني تبت عنه
حتى لو يوم قلبي رق
مش ح اطاوعه 

كل نوبه ف توبة ويقول لي سماح
يبقى قلبي يقول لي لأ لأ دا خاين
انسى حسرة قلبي واطوي له الجناح
والدموع تجري وهجري ف عينه باين
انسى ساعة ما يصافيني وافتكر لما يجافيني

خلي حبي لحد ثاني حد يستاهل حناني
حتى لو يوم قلبي رق
مش ح اطاوعه 

يا ليالي يا ليالي خبي حبي
في بحورك البعيدة يا ليالي
انا حبيته وما قدرتش اخبي
وعاهدته وهو خيب لي آمالي
بكرا حيجرب اسايَ  وانا بتهنى بهوايَ

خلي حبي لحد ثاني حد يستاهل حناني
حتى لو يوم قلبي رق
مش ح اطاوعه

لو مشيت لي خطوة ح ابعد خطوتين
ياللي من غير قلب سيب قلبي ف عذابه
كنت فين من بدري قول لي كنت فين
واحنا الاثنين حبنا لسه ف شبابه
ذبلت الوردة الجميلة ما بقاش في اليد حيلة

خلي حبي لحد ثاني حد يستاهل حناني
حتى لو يوم قلبي رق
مش ح اطاوعه

 ألحان: كمال الطويل




التبليغ عن خطأ



share