أضف كلمات أغنية
(1,423) مشاهدة


على مايشوق لخاطري

على مايشوق لخاطري ينطـق  لسانـي

يعبر لسانـي لكـن الوقـت ضاهدنـي

عشقت الهوى واشقان يـوم الله اشقانـي

احسبه على حمـل المـوده  يساعدنـي

رماني هـوى قلبـي وسمـن وعنانـي

وانا دون هذا كهرب الحـب  صايدنـي

مع الصاحب اللي في ضحى العيد وافاني

يـذود الزعامـه كـن وده يسانـدنـي

رميت السلام وفاتنـي تقـل ماوحانـي

وهو يسمعن لاشـك قصـده  يكايدنـي

الايابعـد حالـي ومـالـي وحيـانـي

بـلاش التغلـي مـد كفـك وعايدنـي

ترى الكل غيـر الله رب القـدر فانـي

ولالك صلاح فـي حياتـي  تزهدنـي

الى جيت حادين الوحم حرق  عطشانـي

علـى مبسـم غـر ثنايـاه وردنــي

طرف ساعة شانك يوافق علـى شانـي

اشاهـدك وانـت ياعيونـي تشاهدنـي

يطفي لهيـب شـب بالجـوف نيرانـي

ترى الكبـد حرقـه والمنيـه  تهددنـي

من العام قلبـي مـن تغليـك وجعانـي

وغيرك من الخـلان ماهـوب فايدنـي

الايازريف الطـول يانجـل الاعيانـي

على حبك اللـي غامـرن  لاتحاسدنـي

حرام ان سلبت الروح وايتمت بزرانـي

عساها بحظك كـان صممـت تبعدنـي

تذكر زمـان فـات مامـداك  تنسانـي

ليـا كنـت بالله للصداقـه تعاهـدنـي

نقضت العهود وبعت ولفـي بهجرانـي

وكثر الدلـع ماهـوب يبعـد ولايدنـي

 كلمات: حمد المغيولي




التبليغ عن خطأ



share