البارحه كلن بنومه تهنا

البارحه كلن بنومه تهنا .. وانا اتقلب لين نور الفجر بان

اقضي طوال الليل منا ومنا .. من سطح الى دهليز الى وسط ليوان

على الذي في كف يمناه حنا .. غر وصغير كامل الزين فتان

ابو جديل فوق متنه يتثنا .. يغذى من الريحان والعود ريان

لو التمني ينفع اللي يتمنا .. كان اتمنى وصل مدعوج الاعيان

الصاحب اللي بالموده شحنا .. ودي اشوفه لكن الوقت خوان

ياطول ماكنا سواء وافترقنا .. اربع سنين كلنا مثل الاخوان

واليوم لمن شافنا صد عنا .. الله واكبر من تصاريف الازمان

ياليتني وياه يوم اجتمعنا .. ويشوف حال منه في زود نقصان

اكود يسمح خاطره ويعذرنا .. ويساعد اللي مامشى له بحقران





التبليغ عن خطأ

روابط إعلانية

إعلانات


أخبار فنية

فنون عربية وعالمية

فنون عربية وعالمية