يابنت وش دعوى على هالقطاعة
بالوصل لا مني طلبتك بخيلة
ان كان ما للقرب عندك شفاعة
وش حيلة اللي منك روحه عليلة
اشكي من الفرقا وزود الولاعة
واسهر مع نجوم السما كل ليلة
وابكي على قلب به الهم لاعه
لاجلك ولا ادري ان مافيك حيلة
عنوان هجرانك رموز الوداعة
موضوع صدك هم ما اقدر اشيله
على الصبر ما عندي اي استطاعة
صارت همومي في غيابك ثقيلة
ودي معك اجلس ولو ربع ساعة
ونبين الخافي نكشف دليله
اما نعيش الحب سمع وطاعة
ولا فراق بين خل وخليلة