ما هو صحيح القلب للقلب شاهد
لو هو صحيح أصبحت مفتون فيني
بيني وبينك حب من قلب واحد
ليته يجيك من الهوى ما يجيني
وليتك تعرف الشوق لا صار واجد
وليتك تعرف أوجاع كثر الحنين
ما قد شكيت الحر والجو بارد
ولا سهرت بليل طول السنين
أضحك وأنا لجروح الأحباب جاحد
أداري المكنون عن كل عينِ
ما ودي أفرّح على القلب حاسد
وإلا عذابي في عيوني يبينِ
من عانده وقته وقلبه يعاند
مالت به الدنيا يسار ويمينِ
غرّتني أمثال العرب بالشواهد
يبيك قلبي وأحسب إنك تبيني