اتعودت عليك يا حبيبي اتعودت عليك
وبقيت ملك ايديك يا حبيبي وبقيت ملك ايديك
زي الطير ما تعود عشه .. اتعودت عليك
اتعودت الحنان وشعوري بالامان
زي الطير ما تعود عشه .. انا .. انا انا .. اتعودت عليك
---
انت ما كنتش .. بالنسبه لي .. حبي الغالي
دا انت حياتي .. وربع عمري .. وكل آمالي
وانت سمايا اللي بتحميني
وانت النيل اللي بترويني
وانت النسمه اللي بتحييني
وانا منك .. منك واليك
زي الطير ما تعود عشه .. انا .. انا انا .. اتعودت عليك
---
آه يا منايا .. وكل رجايا .. من دنيايا
انت لوحدك بين العالم عندي كفايه
عالم تاني بشوفه بقربك
دنيا جديده باطولها بحبك
حب الناس بلمسه من قلبك
والاقيه .. الاقيه جوه عنيك
زي الطير ما تعود عشه .. انا .. انا انا .. اتعودت عليك