أضف كلمات أغنية
(2,632) مشاهدة


مليح القد والقامه

مليح القد والقامة = يحسبو اخطاه بقدامه
عسى الله يسعد ايامه = زريف الطول غض العود

طلع يمشي على هونه = على سطح البلكونه
سهوم الموت بعيونه = ولاناشد ولا منشود

نظرته في قميص النوم = صباح الخير ذاك اليوم
هوالظالم وانا المظلوم = ذبحني بالعيون السود

ذبحني زين الأوصـــافي = وانا من قبل متعافي
متى توفي وتستــافي = لحقني بالهوى منقود

ابوخدين ورديــــــه = ورمش العين له فيه
وجيده جـــيد ريميـــه = وريحه مثل دهن العود

الا يازين كلمنـــــي = خذ علومي وعلمني
متى يــازين ترحمني = وصل لي يومي الموعود

حبيب الروح خف ربك = قتلني بالهوى حبــــك
وطب الجرح من طبــك = وشوفك غاية المقصود

حبيبي كم بكت عيني = ونار الحب تكويني
انا ودي تـــداويني = بوصلك والسلف مردود

احب آقف على بابك = تركتك خلي بسبابك
لو اللي صابني صابك = شكيت النقص قبل نزود

انا وياه بالديـــــــره = ونفسي ماتبي غيره
تحت حكمه وتــــدبيره = وحبل اهل الهوى ممدود





التبليغ عن خطأ



share