الهوى يا خل قسمة ما لنا فيه اختيار
إنته لك ضيٍ ونسمه وانا لي دمعة ونار
انته في أقصى اليمين وانا في أقصى اليسار
ما أقول غير الله أقوى يرجع القاسي يلين
ارتجي في الحب خيره واحسب قلبك يغار
ليلي البردان خيره وصوتك الدافي نهار
بان في صوتك شرار والخفى لا زم يبين
ما اقول غير الله القوي يجعل القاسي يلين
ما غدينا قلب واحد واتفقنا في مسار
قلبك الجافي يعاند وقلبي عايش في انتظار
وما لقيت أي اعتبار أضحك وقلبي حزين
ما أقول غير الله أقوى يجعل القاسي يلين
يا حبيب الأمس وينك وين ذاك الحب صار
ما بقى بيني وبينك غير ذكرى واعتذار
الزمن عدا ودار وانطفى فيك الحنين
ما أقول غير الله أقوى يجعل القاسي يلين