بروزت طيفك (دويتو)

(راشد الماجد):
بروزت طيفك في خيالي أماني
يامبتسم مابين جفني وعيني
ماشفت مثلك في البشر حد ثاني
أنت الوحيد اللي تحلي سنيني
(وليد الشامي):
أشتاق لك وأكتب شعوري معاني
وأرسل لك احساسي ولهفة حنيني
وأدورك والقاك بين المحاني
في وسط قلبي منزلك ياضنيني

(راشد الماجد):
عايش في كل نبضة غلا في كياني
وأشعر بحبك في عروقي وفيني
أحسب كلامي لو نطق لك لساني
وأحسدك على مصافتحك حتى يميني
(وليد الشامي):
خذني غرام ولاتفكر تعاني
وأشربني حب ولا تعذبت أرتويني
عيش بعيوني يا غلا القلب هاني
ليلك سما جفني وشمسك جبيني

(راشد الماجد):
ودي أناظر في عيونك ثواني
والصمت شاهد بين شوقك وبيني
ودي أوقف في حظورك زماني
ووأقف الساعة الساعات تجيني
(وليد الشامي):
أبحرت أدور في غرامك مواني
وأتعددت في موجك وبرحك سفيني
لاجابتك صدفة ولا جيت عاني
متى تشوفك ياريش العين عيني



كلمات: المنصور
ألحان: وليد الشامي
تاريخ: 2014



التبليغ عن خطأ

المزيد من أغاني هذا المطرب: « يازين ايامي مشتاق لي قدي »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed