وين كنت

وين كنت .. وكيف جيت .. وليه جيت

وليه غبت وليه طوّل يا بعد عمري غيابك

إختلق لك أي عذر لا تقول إنك نسيت

حتى لو تكذب علي وتدعي إن الشوق جابك

تدري ش اللي صار بعدك تدري بعدك وش لقيت

ما لقيت إلا العذاب وحلم ذابل عند بابك

كنت أجمع في صورك ف كل ركن وكل بيت

وأحتضنها بشوق مره ومره يحضني عذابك

ودع أشكي بس عمري لغير قلبك ما شكيت

لاني عايش في رجاك بين قسوتك وعتابك

ما عرفت الحب بعدك لا هدمت ولا بنيت

لا رسمت إلا الخيال ولا وصلت إلا سرابك

 

التبليغ عن خطأ