نصيب الغير مو انته نصيبي
والناس واجد من حولك حبيبي
ايدور ارضاك كم واحد وواحد
ومن هالناس ماتبغي الا واحد
هذاك وده وعيونه ترجا
وهذاك واقف يدور له حجه
وده يشرح لك ويوصف غرامه
حنينه يذوب في رقة كلامه
احنا بالدنيا كل واحد وحظه
وكل انسان باللي يجيله يرضى
سعيد الحظ انا والا غيري
انا اترجاه خبرني ياطيري
انا ما ابيك ياسيدي اتحيّر
ترا يافلان من حقك تخيّر
انا يازين ادعي واتمنى
معي والا مع غيري اتهنى