أضف كلمات أغنية
(4,375) مشاهدة


احب البر واشد الرحايل

أحب البر واشد الرحايل ... وادور قلب ضايع في البوادي
واشيد خيمتي وادمع سايل ... وانوح بصوت وازقر بالحوادي

وحمس البن ما بين المقايل ... غريم الشوق والورقا تنادي
وسلي خاطري باحلا المثايل ... من الحرمان واصفق بالايادي

وانا في دار ذربين الفعايل ... سناد الضيف واللييم سدادي
لكن الحب خذني بالدغايل ... وخلاني معذب في فوادي

زرعت الحب في أرض المحايل ... وقمت أسقيه من لولب فؤادي
وشفت الارض مافيها صمايل ... هشيم زرعها مثل الرمادي

صبرت ايام وسنين طوايل ... وريت الدرب والمسراح زادي
وكم هويرت في شمس القوايل ... وكم أسهرت يوم الليل هادي

ومن عقب التعب رديت فايل ... وغيري نال قصده والمرادي
وتم الجيل في ختم الرسايل ... عدد ماخط في حبر المدادي





التبليغ عن خطأ



share