على طريق الهوى يا ناس دلوني
تجملوا جمل الله حالكم فيّه
تجملوا يا هل المعروف شيلوني
ان كان ما اقدرت المشي رجليّه
الناس تضحك وانا من دون في دوني
تكفون يا اهل الهوى بان الخلل فيّه
بس اوصلوني هوى بالي وخلوني
اموت عنده ولّا بأرض ٍ خلاويّه
يا عارفين الموده لا تلوموني
البال مشغول وعيوني شقاويّة
مهما تقولون وش ماتقولوني
احبه والنفس مأموره ومنهيّه
لو قلت ابصبر واجامل باح مطنوني
انا اشهد إن الهوى بالوى سماويّه
إن كان ماشفت غض العود بعيوني
الأمر لله وانا وش عاد في ايديّه