انت الهوى

ياطول صبري من الهجران ياخلّي 
والروح مني ومن هم يكابدها 
انت الهوى وكل الكل بالكلّي 
وانت الذي بالهوى روحي تعذبها
 
ياخل غيرك على الدنيا انا من لي
ياكيف دايم تصدّيني متاعبها 
مضمون حبك على الخفرات متعلّي
يامن وحوش الخلا تطرد مقاودها 
 
ارحم صويبٍ براه الشوق ماتلّي
وجروح راعي الهوى عيت طبايبها
دعواي دعواك عدوى مالها حلّي
لي طلبةٍ لو بعد مره تنفذها
 
لو بس شوفك بعض الايام يحصلي
يزول هم على نفسٍ يراودها
كن بأعيانك سهام الموت ينسلّي
وخيول جيشك تهددني ركايبها 
 
ان كان يازين هذا الحال راضٍ لي 
حذراك الايام ما تصفو مشاربها 
الخد نوره بباب الليل مشعلّي 
يسنى على دار ماعد به قرايبها
 
والعين عين اشقر للصيد منخلي
وانا الذي صرت في مدماك صايدها
الا واخساره حسايف ما مضى علّّي 
اتعبت الاقدام ع الفاضي عمايدها


كلمات: محمد بن راشد ال مكتوم
ألحان: محمد عبده



التبليغ عن خطأ

المزيد من أغاني هذا المطرب: « كان الحزن ضيف يامرحبا يامعنى »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed