السهر مقسوم

السهر مقسوم يا العين الشقيّه

لو تبين النوم قلبي ما يطيع ِ

المنام اليوم ما له قابليّه

دام قلبي بالحشى يخفق سريع ِ

قلب ٍ اعتاد السهر صبح وعشيّه

مثل ما اعتاد اللبن طفل ٍ رضيع ِ

ما ينام وعيشته ما هي هنيّه

لحظة أبعد عن من هو له ربيعي

إبتعد واصبح علي صعب ٍ مجيّه

و لو هو أبعد منزله عندي رفيع ِ

مستحيل البعد يا العين الرضيّه

يستطيع يمحي بدر حب ٍ طبيعي

من وفاي العين تبكي له وفيّه

الوفا بشريه واخلص له مبيع ِ

التبليغ عن خطأ