الحزن

الحِزن في صوتك أزعـج ساكنـي = لين صار الكون من حولي حزيـن
غصب عنَّي حِزن صوتك هاجنـي = لين خلَّى عاصـي المعنـى يليـن

وأمتثل حرف القصيـد وعادنـي = وأنسكب حِزنك على شِعري حنين
شلت أنا حِزنك وحِزنك شالنـي = تكتم الصرخه وينسـاب الأنيـن

شِفت حِزنك كيف حِزنك شافني = كيف داهم خلوتي فـي لحظتيـن
طير أنا مِثلـك زمانـي ضامنـي = جرَّحتني مثلك سيـوف السَّنيـن

صابك الَّلي مِـن زمـانٍ صابنـي = في معاليق الحشـا جرحـه دفيـن
كلَّمـا ودَّعـت هـمٍ زارنــي مِن = عذاب الوجد بيَّـاح الكنيـن

الفرح عقـب الصَّداقـه عافنـي = وخافت البسمه على وجهي تبيـن
طيري يالَّلي صوت حِزنك هاضني = الله الَّلـي ينتصـر للصَّابـريـن



كلمات: خالد الفيصل
ألحان: محمد عبده
مقام: بياتي



التبليغ عن خطأ

المزيد من أغاني هذا المطرب: « ماملى غيرك العين اسابق الساعة »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed