اسامينا .. شو تعبو أهالينا تلاقوها .. و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا ..
الأسامي كلام .. شو خص الكلام .. عينينا هني أسامينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تـ صارو رماد وما دفينا ..
الأسامي كلام .. شو خص الكلام .. عينينا هني أسامينا