القمر بيضوي

القمر بيضوّي عالناس والناس بيتقاتلوا
ع مزارع الأرض الناس ع حجار بيتقاتلوا
نحنا ما عنا حجر لا مزارع ولا سجر
أنت وأنا يا حبيبـــي بيكفينا ضوّ القمر

القمر بيزور الطرقات بيشعشع كل الدّني
بيضوّي بالســـهريات الفقير وعــــالغني
نحنا منحب الســهر  وعا درب الليل السفر
أنت وأنا يا حبيبـــي .. ويرافقنا ضوّ القمر

قالوا لي البلابل صبحيّة
هالحقول وساع والدني بتساع
نيّال اللي بيرجع عشيّة
وعا كل البواب بيتلاقى بصحاب

تعا يا حبيبي مع طير الغياب
نقعد عا هالباب غريب وغريبة
غريب وغريبة
 



كلمات: الأخوين رحباني
ألحان: الأخوين رحباني
تاريخ: 1962



التبليغ عن خطأ

المزيد من أغاني هذا المطرب: « بالغار كللت حبيبي قال انطريني »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed