أضف كلمات أغنية
(1,840) مشاهدة


جيت المكان

جيت المكان اللي قديمٍ جمعنا

اللي حفظ همس القلوب المواليف

وعادت بي الذكرى بديه ولعنا

يوم المحبه صادقا ما بها زيف


حتى ارتوينا بالوفى واقتنعنا

انا لنا في تاج الأحباب تشريف

هنا تصوير الطرايف برعنا

وهنا لنا قصه عشق وسواليف


هذا المكان وفيه ياما بدعنا

اجمل حكايه بعيده عن الحيف

لازال عطره يطوي البعد معنا

وتعيده الذكرى مثل عابر الطيف


انتي وانا لا مالنا كم صنعنا

واكبر عزانا الوقت ماهو على الكيف

عشق المكان اللي قديمٍ جمعنا

عادت به الذكرى وعطر هوى الصيف





التبليغ عن خطأ



share