أضف كلمات أغنية
(1,462) مشاهدة


يا اسطى سيد

يا اسطى سيد يا اسطى سيد ارمي الاساس ده وابني وشيد
واسهر ليالي ده السد عالي  ابنيه يا سيد ابنيه يا سيد

عشان بلدنا وخير بلدنا يزيد ويكثر في ايدين ولدنا
نبنيه بمالنا نبنيه بايدنا
ايدك في ايدي... يا اسطى سيد
ده اليوم ده عيدي... يا اسطى سيد

واسهر ليالي ده السد عالي ابنيه يا سيد ابنيه يا سيد

ياما حفرنا وياما بنينا احنا بعرقنا واحنا بايدينا
هرم بلادنا يشهد علينا
ايه اعلا منه؟  ...يا اسطى سيد
ياما قالوا عنه... يا اسطى سيد

واسهر ليالي ده السد عالي ابنيه يا سيد وابنيه يا سيد
 
ده كان املنا اصبح عملنا نبنيه لجيلنا وبعد جيلنا
خيرك ح يكثر ويزيد يا نيلنا
ياما ح نزرع... يا اسطى سيد
ياما ح نصنع... يا اسطى سيد
 
واسهر ليالي ده السد عالي ابنيه يا سيد ابنيه يا سيد

 كلمات: اسماعيل الحبروك
 ألحان: فريد الأطرش
 تاريخ: 1958





التبليغ عن خطأ



share