اتقل

اتقل اتقل عاللي بيتقل ولا تسألش عليه
وابعث واسأل عاللي بيسأل ليه تتعذب ليه

أول يوم شـــفته حبيته كان اليوم اللي تمنيته
بين رمشين العين نيمته وبين رمشين العين غطيته
وبعد كل ده يـــــــــا قلبي يجرحك
وليه ترضى بكده وتتوه عن مطرحك

خلّي الدموع تســـيل ع الخد
ده ما فيش حد أحسن من حد
بيحيرنا ليه عايز منا إيه
ليه ياقلبي ليه

يا ماغالبنا الشوق وسهرنا ليلنا نهارما بنستناه
فاتنا يا قلبي وبص لغيرنا لما لقانا بنجري وراه
على دقة خطوته كنت اسمع دقتك
وكانت بسمته تحييك وتموّتك

قالوا ليالي الحب جميلة قلت ياريت الحب ما جاني
خذ من عمري ليالي طويلة ومافيش عمر بيرجع ثاني
وبعثنا نفكره باع فينا واشترى
لو كنا بنهجره ما كانش ده جرى
خلّي الدموع تســـيل ع الخد
ده ما فيش حد أحسن من حد
بيحيرنا ليه عايز منا إيه
ليه ياقلبي ليه
 



كلمات: فتحي قوره
ألحان: فريد الأطرش
تاريخ: 1962



التبليغ عن خطأ

المزيد من أغاني هذا المطرب: « اسمع لما اقولك قلبي وعيني اختاروا »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed