ارسم غرام الحب صوره ولونت ... واسري ليالي في غياهب ظلامي
اشتقت لك يا ناعم الصوت وين انت ... في العاصمه ولا نويت المشامي
تشعل حرايق ناس لي من تكلمت ... حتى ان صوتك للمولع هيامي
ليتك على محبك اليوم هونت ... هون دخيلك صار بالحب ضامي
انت اساس الحسن والحسن منك انت ... وانت لكل الزين رمز ووسامي
من فيض حبك بالمحبه تعلمت ... افراح عمري والكدر والتزامي
لونت لك قصة هوانا ولونت ... نور الصباح بجنح داج الظلامي
هذي حقيقة حب واليوم اعلنت ... انك بقلب اللي يحبك ختامي