أضف كلمات أغنية
(1,822) مشاهدة


رد قلبي

رد قلبي ما ابي غير السلامه
رد لي اللي بقالي من سنيني
ما ابي نختم هوانا بالندامه
بعد كل اللي جرى بينك وبيني

كل واحد مننا يلقى مرامه
انت لك دينك وانا راضي بديني
غرك اللي جاز لك تسمع كلامه
واختلط عندك شمالك باليميني

اوهمك انك وحيد في الوسامه
ويا كثر شرواك ما بتشوف عيني
قلبي المخلص وفا لك بالتزامه
في الموده سامي عن كل شيني

في المحبه ما سمع لاهل الملامه
يتجاهلهم يحسب انك ضنيني
لا تظن مفارقك اقلق منامه
واجد اللي في الهوى غيرك يبيني

 كلمات: بندر بن فهد
 ألحان: بندر بن فهد
 تاريخ: 2011





التبليغ عن خطأ



share