أضف كلمات أغنية
(1,859) مشاهدة


سلموا لي على مصر

سلموا لي على مصر .. سلموا لي على الحبايب
وابعتوا لي سلام .. امانه والنبي امانه
والشوق امانه .. والنبي والشوق امانه

سلموا لي على الحبايب وابعتوا لي
من هرم الجيزه .. اللي مدوب عمر الزمان
للهرم التاني .. اللي في حجر اسوان
فوق كل شبر .. قوموا زفة عروسه
وعلى كل نخله .. دوبو في الفجر بوسه
وابقوا افتكروني .. في باب النصر
وسلموا لي ..

سلموا على الحبايب وابعتوا لي
وامانه لما تفوتوا من جانب الحسين
تجيبوا لي شويه من اللولي اللي الصفين
خان الخليلي على يمينكم هداياه واحشاني
تبقوا تجيبوا لي توت عنخ المنقوش في صواني
وابقوا افتكروني من الصاغه اسوره لولي

سلموا لي على الشوارع .. سلموا لي عللى الكباري
والسما والبدر طالع .. والهوا ساعة العصاري
سلموا لي على الحبايب .. اللي فاكر واللي ناسي
وان لقيتوا حد غايب .. ابعتوا لوه مية تماسي
رشوا دموعي وضحكتي .. واجمل سلامي على كل حته
شاركتني اسعد ايامي .. من يوم ما مشيت اول خطوه
وفردت طولي ..
سلموا لي على مصر .. سلموا لي
سلموا لي على الحبايب ..

 كلمات: حسين السيد
 ألحان: محمد الموجي
 تاريخ: 1970





التبليغ عن خطأ



share