أضف كلمات أغنية
(1,232) مشاهدة


قال بن يوسف

قال بن يوسف قضى ليله سهير

والسبايب حب مربوع الشفاه


آه من جرحٍ سطى بأقصى الضمير

حير الكتور ماحصل دواه


الدوى موجود معا ظبيٍ صغير

اسأل المعبود يجمعني معاه


صابني بالحب وخلاني حسير

من نظرني قال هذا وش بلاه


قلت انا في القلب لاهوبٍ من سعير

مسكنك في القلب ياخلي تراه


رجعت مالي في الهوى غيره نظير

وان جفاني ياعرب مااقدر جفاه


من فراق الزين بون مثل الكسير

او ربيطٍ بالسجن ربي بلاه


ليت ينصب للهوى واحد مدير

كل واحد من بغى حقه عطاه


اشتكي مابي وانا حالي خطير

من فراق الزين عذبني هواه


الختم صلوا عد ماسال الغدير

على النبي المختار واصحابه معاه





التبليغ عن خطأ



share