الحلم مايصدق

مانـي خيـالـ(ن) لابـغيـته طـرالك***يـجـيـبـني عنـدك ليـامن بـغـيـته
لايـبـعـدك ذاك الـشـعور بخـيالـك***لاياخـذك وتقـول حلمـي لـقـيـتـه
لاتقول قلبي من جروحه شكالك***لاتلتـفت للـجرح لامـن شـكـيتـه

لاتـرتـجـي قـلبـ(ن) بحبـه وفـالـك***بعـض الأمـل لو كان بيدك عميته
لقيت من يفهـم شعـوري بـدالك***هذاك لو يـطـلب حـياتي عطـيته
رضيت بعدك يوم جرحـي رضالـك***الله يـسـهل دربـك الي مـشيـته

خلك معا اوهامك بعيد(ن) لحالك***الـحـلم مايصـدق ترا لـو رجـيـتـه
والله ما اذكرلـك قديمـ(ن)مضـالك***ون كان لك ماضي تراني نسيته
لاتـقول اسمـك بـقلبـي بـقـالــك***اسمك كتبته بالرصـاص ومحـيته



كلمات: بنت العطا
ألحان: بنت العطا
تاريخ: 2008



التبليغ عن خطأ

المزيد من أغاني هذا المطرب: « اعفيني احساس العالم »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed