اسمع صدى صوتك

اسمع صدى صوتك مع ضجّه الناس
والحس يسري للضماير حسوسي ..
انسى معاك العزم والفكر والياس
وحبك بقلبي للضمير مغروسي ..

واهيم في بحر بالامواج غطاّس
واسج وانسى عن ربوعي جلوسي ..
قربك شفا للروح والنود نسناس
وروياك سعدي عن ليالي نحوسي ..
يا مورد الخد المعسل بالألعاس
يا ضي جبينه في الظلام الدّموسي ..

العين عين اللي على الكف حبّاس
والصيد له بمعودات الفروسي ..
فرخ الحرار مذهب الريش طلماس
اشقر عليه من النداره هيوسي ..
ياضي ضيا خده كما نور نبراس
والا شعاع الشمس قبل الغلوسي ..

كنه يحش القلب مرهوف الامواس
حش الصريم اللي نواه اليبوسي ..
عليه من فقدي ووجدي والاحساس
مثل الضريم اللي عليه محموسي ..
نار اتواقد هبها نود لساس
موقد غضاها من حطبها يبوسي ..



كلمات: محمد بن راشد ال مكتوم
ألحان: انور عبدالله
مقام: نهاوند
تاريخ: 1992



التبليغ عن خطأ

المزيد من أغاني هذا المطرب: « انا رديت يا ذا المسافر »

روابط إعلانية

إعلانات


أخبار فنية

في الفن| موسيقى وحفلات

FilFan.com Rss feed