هتجننينى دى كلمة عادية  .. ما انا قربت خلاص انهار
واللى ايديه ياحبيبى فى المية .. مش زى اللى ايديه فى النار

اصل انا بصراحة كده .. جبت معاك اخرى
ودة مش من دلوقتى .. ده من بدرى
انا فى الدنيا مشفتش بقى .. عمرى
نص اللى انا شوفته انا فى هواك ..
وقت الجد الاقيك .. تيجى وتهرج
لما بقولك مشتقلك .. تضحك
هو غرامى كده .. بقى نكتة تضحك
للدرجة دى وجايبة معاك

---

هتعب قلبى انا ليه فى محايلة
وانت مبيحوقش معاك
قسمتى وخلاص طلعت مايلة
يبقى اشترى نفسى وانساك ..
دايما مشغول عنى .. وده العادى
لما بقابلك .. تعمل مش فاضى
ولامتى انا .. بالحال دا افضل راضى
اسمنا بس اتنين حبيبن ..
دي الكلمة الحلوة .. تستكترها
ولما بقولك حاجة .. تعمل غيرها
وحياتنا انا وانت .. مقضينها
اجى شمال تيجى انت يمين ..

هتجننينى دى كلمة عادية  .. ما انا قربت خلاص انهار
واللى ايديه ياحبيبى فى المية .. مش زى اللى ايديه فى النار